Баянзүрх дүүргийн 17 дугаар хороонд “КОВИД-19” халдварын тохиолдол батлагдаж, голомтоо тархаж болзошгүй нөхцөл байдал үүссэн тул 2021 оны нэгдүгээр сарын 14-ний 06:00 цагаас нэгдүгээр сарын 16-ны 23:00 цаг хүртэл хязгаарлалтын дэглэмд шилжүүлж, иргэдийг шинжилгээнд хамруулах ажлыг зохион байгуулахаар боллоо. БЗД-ийн нутаг дэвсгэрт анхны тохиолдол 1 сарын 10-ны өдөр бүртгэгдсэн. Үүнээс хойш нийтдээ 23 тохиолдол бүртгэгдээд байна. Тус хороонд амьдардаг иргэдийг 79-р сургууль, иргэний танхим, Даян дэлгүүр, 21-р худагтай гудманд шинжилгээний зөөврийн сууцтай байр ажиллаж байна. Тус шинжилгээнд 18 наснаас дээш хүмүүсийг хамруулна. БЗД-ийн 17-р хорооны хувьд 2814 өрхтэй 9758 иргэдтэй үүнээс 18-аас дээш насны бүх иргэдийг өмнө нь шинжилгээ өгсөн эсэхийг үл харгалзан Пүрэв, Баасан гарагуудад PCR шинжилгээнд хамруулж байгаа юм.