Монгол Улсын Их хурлын чуулганы хуралдаанаар Засгийн газрын гишүүнийг чөлөөлөх, томилох тухай асуудлыг хэлэлцэж байна. Уг чуулганд оролцож буй Ардчилсан намын бүлгийн дарга О.Цогтгэрэл намын бүлгээс гаргасан Ерөнхий сайдад итгэл үзүүлэх эсэх тогтоолыг чуулганаар оруулж ирэх хэрэгтэй хэмээн байр сууриа илэрхийллээ. Түүний асуултад Монгол Улсын Ерөнхий сайд Н.Учрал: Ерөнхий сайд ажлаа хийж чадахгүй байна гэж сөрөг хүчин үзэж байгаа бол огцруулах бичгээ УИХ-д оруулаад ирэх хэрэгтэй. Гарын үсэгтэй цаас байгаа гэсэн биз дээ, ард иргэдийг чилээлгүйгээр түүнийгээ өргөн барьчих л даа. Би өөртөө итгэлтэй байна. Ерөнхий сайдыг огцруулах асуудлыг сөрөг хүчин хүсвэл өөрсдөө УИХ-аар хэлэлцүүлж болно шүү дээ.