Туркт 2019 оны долоодугаар сард болсон Yasar Dogu тэмцээнд Муслимов түрүүлсэн ч ийнхүү допинг хэрэглэсэн нь тогтоогджээ. Түүнээс метаболит дростанолон хэмээх бодис илэрсэн байна. ДБНХ-ны дүрмээр түүний медалийг хураан авах болсон бөгөөд 4 жил барилдах эрхийг нь хаслаа. Шийтгэлийн хугацаа допингийн шинжилгээ өгсөн цагаас (2019.07.12) эхлэх тул 27 настай Муслимов 2023 оны долоодугаар сарын 11 хүртэл барилдахгүй болж байгаа юм.