Монгол Улсын Ерөнхийлөгчийн санаачилгаар мазаалай баавгайг үндэсний бахархалт амьтан болгож зарласан. Энэ хүрээнд салбар яамнаас нь татвар төлөгчдийн 100 сая төгрөгөөр ЧИХМЭЛ ТОГЛООМ, БААВГАЙН МАКЕТ хийлгэхээр зорьжээ.

Тухайлбал, 2025 оны 04 дүгээр сарын 18-нд БОУАӨЯ-ны Төрийн нарийн бичгийн даргын үүрэг гүйцэтгэгч Ц.УРТНАСАНГИЙН “Үндэсний бахархалт амьтан – Мазаалай баавгайг илэрхийлсэн дурсгалын зүйл хийлгэх” ажлын даалгаварыг гаргасан байна. Үүнд үндэсний бахархалт амьтныг олон нийтэд суртчилан таниулах, Төрийн өндөр дээд түвшний уулзалтууд, ёслолын арга хэмжээнд ашиглах зэрэгт зарцуулах аж.

Мазаалай баавгайн бодит дүр бүхий баримал 55 ширхэг, Мазаалай баавгайн дүрээс сэдэвлэсэн маскот баримал 55 ширхэг, Мазаалай баавгайн зөөлөн чихмэл 500 ширхэгийг хийлгэнэ гэжээ.