Монгол Улсын Ерөнхийлөгчийн зарлигаар өнөөдөр /2020.08.22/ Сонгинохайрхан дүүргийн ээжүүдэд "Эхийн алдар" одон гардуулах ажиллагаа болж байна. Өнөөдөр  Сонгинохайрхан дүүргийн 1071 ээжид Эхийн алдар одон гардуулж  байна.

Энэ үеэр УИХ-ын гишүүн П.Анужин Алдарт эхийн II одонгоо гардан авлаа. Түүний хувьд  4 хүүхдийн ээж. Тэрээр монгол   хүүхдүүдийг генийн өөрчлөлтгүй, эрүүл хүнсээр хангахад УИХ-ын гишүүний хувиар хууль санаачилж ажиллахаа илэрхийллээ. Мөн "Олон хүүхэд төрүүлсэн ээжүүдийг одонгоор урамшуулах нь зүйтэй бөгөөд эрүүл, зөв хүн болгож өсгөх нь төрийн бодлого байх ёстой" гэлээ.