Шатахууны үнэ, нийлүүлэлт, хомсдолтой холбоотой мэдээлэл иргэдийн хувьд хамгийн их анхаарал татдаг сэдвүүдийн нэг байсаар байна. Гэвч аль шатахуун түгээх станцад ямар төрлийн шатахуун байгаа, үнэ ханш хэрхэн өөрчлөгдөж байгаа талаарх нэгдсэн, шуурхай мэдээлэл хангалтгүй байсан.

Энэ мэдээллийн хэрэгцээг нөхөх зорилгоор инженер, хөгжүүлэгч Б.Хүрэлбаатарын бүтээсэн BENZIN.MN платформ хэрэглээнд нэвтэрчээ. Тус сайт нь хэрэглэгчдэд шатахууны үнэ, байршил болон холбогдох мэдээллийг нэг дороос авах боломжийг бүрдүүлж байгаа юм.

BENZIN.MN-ийн гол онцлог нь шатахуун түгээх станцуудын мэдээллийг төвлөрүүлж, хэрэглэгчдэд хэрэгтэй мэдээллийг илүү хүртээмжтэй хүргэхэд чиглэж байна. Ингэснээр иргэд шатахуун хайж олон газар очих шаардлага багасаж, цаг хугацаа хэмнэх боломжтой болжээ.