Мэргэжлийн сүмогийн түүхэнд нэрээ мөнхөлсөн 69 дэх ёкозүна Хакүхо М.Даваажаргал Олон улсын сүмогийн холбооны ерөнхийлөгчөөр сонгогджээ. Дэлхийн сүмогийн дэвжээнд Монгол Улсын нэрийг өндөрт өргөж, түүхэн амжилтуудыг тогтоосон тэрбээр ийнхүү сүмогийн хөгжил, олон улсын хамтын ажиллагаанд шинэ үүрэг гүйцэтгэхээр болжээ. Монгол хүний хөдөлмөр, тэсвэр тэвчээр, амжилтын түүх дэлхийн спортын тавцанд үргэлжилсээр байна.