УИХ-ын гишүүн Ж.БАЯРМАА "Санал худалдан авалтын эсрэг" хууль санаачилжээ.  Хуулийн төслийн танилцуулга, хэлэлцүүлгийг Конрад-Аденауэрын сантай хамтран сэтгүүлчдэд зориулан зохион байгууллаа. Хүрэлцэн ирж, санал бодлоо солилцсон сэтгүүлчидтэй уулзжээ.  Хуулийн төсөлд бэлэн мөнгө, бэлэг сэлт тараах, иргэдийг амрааж зугаалуулах зэрэг уламжлалт санал худалдан авалтаас гадна татвар төлөгчдийн мөнгөөр “Шинэ хоршоо” гэх мэт тодорхой бүлэгт давуу байдал олгох шинэ хөтөлбөр хэрэгжүүлж, сонгогчдын саналд нөлөөлөхийг хориглох, хязгаарлах зохицуулалтуудыг тусгасан.

Ингэснээр мөнгө, санхүүгийн боломж хязгаарлагдмал ч шударга, ёс суртахуунтай, мэдлэг чадвартай иргэд болон эрх баригч бус намуудад гарааны тэгш нөхцөл бүрдүүлж, сонгогдох боломжийг нэмэгдүүлэхийг зорьж байна. Татвар төлөгчдийн мөнгө эрх баригчдын сонгуулийн давуу тал болох ёсгүй!