Халдварт өвчин судлалын үндэсний төв (ХӨСҮТ)-ийн Мэс заслын тасагт нурууны нугалмын их биеийг титан бортогоор нөхөн сэргээх, арын болон хажуугийн титан бэхэлгээ хийх зэрэг орчин үеийн мэс заслын арга технологийг амжилттай нэвтрүүлэн хэрэгжүүлж байна.

Дээрх мэс заслын арга нь янз бүрийн эмгэгийн улмаас нугалмын их бие гэмтэж, ясны бүтэц, нурууны тогтвортой байдал алдагдсан өвчтөнүүдийн нурууны их биеийг нөхөн сэргээх, тогтворжуулах, мэдрэлийн болон бусад эрхтэн тогтолцооны хүндрэлээс сэргийлэхэд чиглэдэг аж. ХӨСҮТ нь орчин үеийн оношилгоо, эмчилгээний шинэ арга технологийг нэвтрүүлж, өвчтөнд үзүүлэх тусламж, үйлчилгээний чанар, хүртээмжийг сайжруулах чиглэлээр ажиллаж байна.