Нохойн толгойг ширээн дээр тавихаар шороон дээр өнхөрдөг гэж нэг хэлц бий. Яг үүн шиг “Эрчим хүчний салбар” гэж эмчилгээ авдаггүй, сэхэж дээрддэггүй “мөнхийн зовлонтой” салбар байх юм.  Цахилгаан, эрчим хүч хэрэглэгчдийн халаас руу хүчээр гараа дүрж, үнийг нь нэмсэн ч ашигаа нөхөж чадахгүй, банкнаас зээл авч, цалингаа тавьдаг хэвээрээ байна.

Ядаж байхад яр гэгчээр “үлгэн салган амь дүйж” Улаанбаатарчуудын хэмжээ хязгааргүй их хэрэглээг чадан ядан хангаж байгаа Эрчим хүчний салбарт “ХҮНИЙ АМЬ НАС ЭРСЭДСЭН” харамсалтай осол боллоо. Чадлын дутагдалд орж, нэг турбин нь ажиллагаагүй болсны улмаас хэсэг хугацаанд тог тасрав. Хаана юу болов, яав ийв гэж айж сандарсан энэ цаг үед “Дулааны гуравдугаар цахилгаан станц”-т дээрх гэмтэл болж, улмаар ажлаа хийж байсан инженер залуу амь насаа алдав.  Хүний үхлийг улстөрчид ч сайхан ашиглаж, би ч хариуцлага хүлээхэд бэлэн л дээ, гэхдээ энэ станц манай яамны мэдлээс гарчихсан гээд буух эзэнгүй, буцах хаяггүй болчихлоо. Улстөрчид хүний амь насыг юман чинээ тоолгүй, гөлөг төөрүүлэх мэт хариуцлагаас зугтаж байна.

Осол гардаг “ДЦС-3” төрийн өмчит компанийн гүйцэтгэх захирлаар Л.ЭРХБААТАР гэгч залуу ажилладаг. УИХ-ын гишүүн Д.БАТЛУТЫН “хүн” гэддэг. Учир нь Д.Батлутыг Орхон аймгийн Засаг даргаар ажиллаж байхад тус аймгийн ИТХ-ын төлөөлөгч, мөн Орхон аймгийг дулаанаар хангадаг “Эрдэнэтийн дулааны станц” ТӨХК-ийн захирлаар ажиллаж байсан нэгэн.

Эрдэнэтийн “ЭРХЭЛДЭГ” Л.ЭРХБААТАР дарга төсвийн мөнгөөр “ЭРХЭЛЖ” суух зуур эрдэнэт хүний амь нас эрсэдлээ. Хариуцлага хэн хүлээх бол... Л.Эрхбаатар дарга шаардлагагүй ТӨСӨВ ИХ ЗАРЦУУЛЖЭЭ. Тухайлбал 2025 оны 05 сарын 30-ний өдөр “МОНРЕ ДААТГАЛ” ХХК-ийн Хаан банкны 5085138808 тоот данс руу  “Хөдөлмөрийн чадвараа түр алдсаны даатгал”-ын товчлол “ХЧТА” гэсэн утгаар 34 сая 60 мянга, “Гэнэтийн ослын даатгал”-ын ГТО гэсэн товчлолоор 23 сая 570 мянган төгрөг, нийт 57 сая 630 мянган төгрөгийг шилжүүлсэн байна.

“МОНРЕ ДААТГАЛ” ХХК-ийг УИХ-ын гишүүн, ХҮН намын дарга, Засгийн газрын шадар сайд, “Эрчим хүчний реформын үндэсний хороо”-ны дарга Т.ДОРЖХАНДЫН гэр бүлийн хүн 90 хувийг нь эзэмшдэг. Үүнийг гишүүний АТГ-т мэдүүлсэн хөрөнгө орлогын мэдүүлгээс харж болно. Ийнхүү салбарынхаа шинэчлэлийн хариуцсан ШАДАР САЙДЫН ХУВИЙН КОМПАНИ РУУ иргэд, хэрэглэгчдийн төлсөн татвар, тогны мөнгийг шилжүүлж, ЭРХ АШГИЙН ЗӨРЧИЛ ҮҮСГЭСЭН БАЙЖ болзошгүй нь!!

Түүнчлэн “ДЦС-3” ТӨХК-ийн хашаан доторх МОДЫГ ОГТОЛЖ ЗӨӨХ, цэвэрлэх ажилд 15 сая төгрөгийг зарцуулсан байна. Ингэснээрээ яг ямар үр дүн, ач холбогдол бий болгосон нь тодорхойгүй. Лав баттай, тодорхой зүйл гэвэл 2025 оны 05 сарын 19-ний өдөр “ГЭРЭЛТ ДУН” ХХК-ийн захирал Х.МӨНХЖАРГАЛТАЙ “СТАНЦЫН ХАШААНД УРГАСАН МОДЫГ ТАНАЖ БУУЛГАЖ, ЦЭВЭРЛЭХ, ЗАХИРГААНЫ УРД ТАЛЫН БУТЫГ ХЭЛБЭРЖҮҮЛЖ ЗАСАХ АЖЛЫН ГЭРЭЭ” байгуулсан байна.