Ерөнхий сайд асан Н.АЛТАНХУЯГИЙН хүргэн гэдгээрээ нийтэд танигдсан Г.ДЭНЗЭН өмнө нь ЗГХЭГ-ын дэд даргаар ажиллаж байсан бол одоо “Үндэсний хөгжлийн хүрээлэн” ТӨҮГ-ын даргаар ажилладаг. Нэг хэсэг хэрэг төвөгт орооцолдон шуугиулж байсан залуу 2024 оны сонгуулиас өмнө Ардчилсан намын хэрэг эрхлэх газрын даргаар ажиллаж байгаад “ХӨГЖЛИЙН ТӨЛӨӨХ ЗОРИГ” хамтарсан Засгийн газрын үед ажил авч төрийн өмчит компанийн захирал болсон нь энэ.

“Үндэсний хөгжлийн хүрээлэн” төрийн өмчит үйлдвэрийн газар бол улс орны хөгжлийн төлөөх томоохон төслүүдийн судалгааг хийдэг үйл ажиллагааны чиглэлтэй байгууллага. Гэтэл улсын төсвийн 95 сая төгрөгөөр “1997-2010” оны хооронд төрсөн Монгол улсын иргэдийн сэтгэл зүйн онцлогийг 30 хоногийн хугацаанд судлах тендер зарлажээ.