Нийслэлийн Засаг даргын дэргэд “хотын стандарын газар” гэж нэг агентлаг бий. Гэвч уг газар нь онц хийсэн ажилгүй, мөрдөгдсөн стандарт нэгээхэн ч үгүй. 2022 оны 10 сард ХОТЫН СТАНДАРТ гэсэн сүржин нэртэй зөвлөгөөн зохион байгуулсан ч тусыг эс олон. Тэр зөвлөгөөнд татвар төлөгчдийн мөнгийг үрсэн үйлдэл болоод өнгөрсөн. 191 сая төгрөг зарцуулсан зөвлөгөөн үр дүнд хүрээгүй.

Гэтэл 2023 оны 03 дугаар сарын 23-нд Нийслэлийн иргэдийн эрүүл, аюулгүй орчинд амьдрах эрхийг хангахад чиглэсэн хотын стандартын 7 бүлэг 14 төрлийн стандартыг хэвлэж НИТХ-ын хуралдаанд танилцуулахад зориулж 10 сая төгрөг зарцуулсан.

Түүнчлэн ажилчдын хөдөлмөр хамгааллын хувцас захиалж хийлгэхэд 8,6 сая төгрөгийг тус тус зарцуулжээ!! Өмнөх онд яг ийм ижил утгаар 9 бүлэг 38 стандартыг хэвлүүлэхэд 159 сая төгрөгийг зарцуулсан  ч үр дүнгүй байсаар байна.